Nagpartisipar ang libo-libo nga boluntaryo sa nagkalain-lain nga cleanup sites sa SOCCSKSARGEN Region bilang pagpartisipar sa International Coastal Cleanup Day 2026 sang Setyembre 17 tubtob Setyembre 19, 2026.
Ginkolekta kag ginpanglimpyohan sang mga boluntaryo ang nagkalain-lain nga Marine Debris bilang kabahin sang panikasog sa pagproteher sang aton mga baybayon kag kadagatan.
Ginpahayag ni DENR-12 OIC-Regional Executive Director Maria Elvira V. Lumayag ang iya pagpasalamat sa tanan nga nagbulig kag nagpartisipar sa nasambit nga aktibidad.
Suno sa DENR-12, importante ang pagkuha sang basura sa kadagatan sa pagproteher sang lokal nga pangisdaan, pagpanalipod sa mga komunidad sa baybayon batok sa climate hazards, kag pagsiguro sang malawig nga kaayuhan sang ekonomiya sa rehiyon.
Padayon man ang panawagan para sa mas limpyo nga mga baybayon kag mas himsog nga kadagatan.
Photo courtesy: DENR SOCCSKSARGEN
