Nagpanawagan ang Department of Social Welfare and Development Field Office 12 sa publiko nga untaton ang pagshare, pagpost kag paglapta sang mga laragway, video kag personal nga impormasyon nga may kaangtanan sa pagpamusil sa Banga National High School.
Suno sa DSWD-12, ang padayon nga pagpalapta sang sensitibo nga materyales mahimo makadugang sa trauma sang mga pamilya sang mga biktima kag mga estudyante nga apektado sang nasambit nga insidente.
Ginpahanumdom man sang ahensya nga may mga kasuguan nga nagaproteher sa privacy kag pagkatawo sang mga kabataan, lakip ang mga Child Victims kag Child in Conflict with the Law.
Samtang nagahatag sang psychological first aid kag psychosocial interventions ang mga social worker sa mga apektado, ginapangabay sang DSWD-12 ang publiko nga magpakita sang responsible nga paggamit sang social media.
Kon makakita sang nasambit nga mga post, ginapanawagan ang publiko nga indi ini ishare ukon komentuhan, kundi i-report gilayon.
Photo courtesy: DSWD Field Office 12
