Nagpahimangno ang Local Disaster Risk Reduction and Management Office o LDRRMO sa Ipil sa mga residente nga kanunayng mangandam alang sa posibleng kalamidad sama sa baha, landslide, kusog nga ulan ug linog.
Gidasig sa LDRRMO ang mga pamilya nga mag-andam og emergency go bag nga adunay pagkaon, tubig, flashlight, first-aid kit, tambal ug importanteng mga dokumento. Gikinahanglan usab nga nahibalo ang matag miyembro sa pamilya sa mga evacuation area ug emergency contact numbers sa ilang lugar.
Gipahinumdoman usab ang publiko nga kanunayng mosubay sa opisyal nga pahibalo sa LDRRMO ug PAGASA, ilabina kung adunay weather disturbance o laing hulga sa kalamidad.
Giduso sa LDRRMO Ipil ang pag-andam sa dili pa moabot ang kalamidad aron malikayan ang pagkawala sa kinabuhi ug mamenosan ang kadaot sa mga kabtangan.
