Nakuha ang Rank 1 sa Aleosan Municipal Police Station sa tanang mga Municipal Police Stations ubos sa Police Regional Office 12 atol sa NAPOLCOM Inspection, Assessment and Monitoring CY 2026, human makarekord og 93.75 nga score.
Ang maong resulta giila isip bunga sa paningkamot, disiplina ug dedikasyon sa mga personnel sa Aleosan MPS sa ilang adlaw-adlaw nga pagpatuman sa mga buluhaton alang sa publiko.
Gipasiugda nga labaw pa sa ranking ang maong pagkilala tungod kay nagrepresentar kini sa mga sakripisyo ug serbisyo sa mga pulis nga nagpadayon sa pagtrabaho uban ang integridad, pagkamapainubsanon ug pagkamaluloy-on
Giila usab ang hiniusang paningkamot sa tanang personnel sa estasyon, nga nagpakita nga ang pagtinabangay ug sinsero nga pag-alagad sa komunidad maoy pundasyon sa ilang kalampusan ug sa pagsalig nga ilang napadayon uban sa katawhan.
