Nakaangkon og samad tinigbasan ang usa ka 32 anyos nga lalaking mag-uuma human gitigbas sa iyang 25 anyos nga manghod sa Purok 3, Barangay Malating, Ramon Magsaysay, kagahapon, Septyembre 21, 2026.
Base sa inisyal nga imbestigasyon, gikaingong naglalis ang duha ug matud pa nga nikuha ug sundang ang biktima ug misulay sa pag-atake sa iyang manghod, apan nailugan kini sa suspetsado hinungdan natigbasan ang biktima igo sa likod. Human sa hitabo dali nga misibat ang suspetsado paingon sa wala matino nga direksyon.
Dali usab nga gidala ang biktima sa tambalanan alang sa dinaliang medikal nga atensyon pinaagi sa Ramon Magsaysay Municipal Disaster Risk Reduction and Management Office (MDRRMO).
Samtang, padayon ang hot-pursuit operation sa Ramon Magsaysay Municipal Police Station aron madakpan ang suspek nga hangtod karon nagpabiling at large.
Courtesy courtesy: PIO ZSPPO
