Nasikop sa gilusad nga drug buy bust operation sa kapulisan si alyas “Bulldog” niadtong milabayng adlaw sa Barangay Manaol, lungsod sa Siocon, Zamboanga del Norte.
Nakuha gikan sa dinakpan ang 1 ka gamay nga pakete sa shabu nga nagsilbing buy bust item, ug ang 500 peso bill nga gigamit isip buy- bust money. Dugang nasakmit gikan sa iyang posisyon ang lain pang 3 ka mga pakete sa shabu ug uban pang mga non-drug items.
Motimbang sa 2 ka gramo ang narecover nga druga gikan sa dinakpan nga nagkantidad ug Php13,600.00. Balhog sa selda sa Siocon Municipal Police Station ang dinakpan, alang sa tukmang disposisyon, samtang ang mga nasakmit nga mga ebidensya, giturnover ngadto sa Zamboanga del Norte Provincial Forensic Unit alang sa eksaminasyon.
Photo Courtesy: Siocon MPS
