Giasksyonan sa Land Transportation Office o LTO Region XI ang usa ka tindahan nga giingong naghimo ug namaligya og improvised motor vehicle license plates sa Barangay Zone I, Digos City niadtong Septiyembre 17, 2026.
Gipahigayon sa Regional Law Enforcement Section–Intelligence and Investigation Unit ang joint law enforcement operation sa usa ka establisemento sa 1st Crumb Avenue.
Nakaplagan atol sa operasyon ang giingong paghimo ug pagbaligya og non-compliant nga improvised license plates nga walay otorisasyon gikan sa LTO.
Matud sa LTO XI, ang maong kalihukan supak sa ilang mga memorandum circular ug memorandum, kalabot sa Republic Act No. 4136.
