Arestado si alyas “MARK”, 33-anyos, ulitawo, laborer ug residente sa Sitio Tawid, Barangay Taytayan, Cateel, Davao Oriental pasado alas 11:30 sa gabii, niadtong Setyembre 19, 2026 sa hiniusang buy-bust operation sa kapulisan.
Ang operasyon gihimo sa mga personahe sa Cateel Municipal Police Station, kauban ang PDEU/SOT DOPPO, 1st DOPMFC ug lain pang mga operatiba didto sa Sitio Yahuno, Brgy. Alegria sa maong munisipyo.
Ang dinakpan nakuhaan ug usa ka PHP 500 nga buy-bust money nga adunay serial number AC2597762 ug lima ka heat-sealed nga plastic sachet sa gituohang shabu nga gibana banaang mutimbang sa 0.4 gramos ug adunay standard drug price nga P2, 720.00.
Sa panahon sa pagdakop, gipahibalo ang akusado sa iyang mga katungod sa pinulongan nga iyang nahibal an ug dayong gidala sa kustodiya sa Cateel Municipal Police Station alang sa igong disposisyon ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo courtesy: Cateel MPS
