Napuhag ang usa ka gituohang drug den atol sa pagpatuman sa search warrant batok kang alyas “Efren” sa Purok Dragon Fruit, Barangay Poblacion, Kidapawan City, niadtong nakalabay nga adlaw, sa hiniusang operasyon sa Kidapawan City Police Station Drug Enforcement Unit (DEU), PDEA Region 12 ug Provincial Police Drug Enforcement Unit (PPDEU) sa Cotabato Police Provincial Office.
Sa maong operasyon, upat ka anaa sa hingkod ang panuigon, lakip ang usa ka babaye, ang nadakpan, samtang usa pa ka menor de edad ang naabtan sulod sa maong lugar.
Narekober usab ang 14 ka heat-sealed transparent plastic sachets sa gituohang shabu nga gibanabanang nagkantidad og P81,600, lakip ang mga drug paraphernalia. Ang mga nadakpan ug ebidensya gitugyan alang sa hustong proseso ug disposisyon subay sa balaod.
Photo courtesy: PNP Cotabato Police Provincial Office
