Nagpadayon ang pagpangandam sa Commission on Elections o Comelec sa Ipil alang sa umaabot nga Barangay ug Sangguniang Kabataan Elections o BSKE. Gipunting sa lokal nga Comelec ang kahinungdanon sa sayong pagpangandam aron masiguro ang hapsay nga pagpahigayon sa piniliay.
Lakip sa ilang giandam ang mga election personnel, voting centers, election paraphernalia ug koordinasyon sa mga concerned government agencies. Gitan-aw usab ang mga posibleng concerns nga mahimong motumaw sa adlaw sa eleksyon.
Gipahimangnoan usab ang mga botante nga magpabiling updated sa opisyal nga impormasyon gikan sa Comelec, ilabina sa iskedyul, mga kinahanglanon ug mga lagda nga sundon sa panahon sa BSKE.
Gipasiugda sa Comelec nga ang kooperasyon sa mga botante, kandidato, election personnel ug security forces importante aron mapadayon ang malinawon, organisado ug kasaligan nga proseso sa eleksyon.
Photo courtesy: wikipedia
