Nanawagan ang City Health Office o CHO-Iligan sa mga residente nga moapil sa blood donation aron makatabang sa mga pasyenteng nanginahanglan og dugo. Kini ang giluwatang pamahayag ni Maricar Lagos, Medical Technologist III sa CHO-Iligan, atol sa paghinabi sa Juander Radyo Iligan News Team.
Matod ni Maricar Lagos, dako ang panginahanglan sa dugo karon ug dako usab kini og ikatabang sa mga nanginahanglan. Anaa usab ang Bloodletting Office ubos sa City Mayor’s Office nga nagapanguna sa pag-reach out sa mga barangay alang sa bloodletting activities.
Padayon ang CHO-Iligan nga nagasuporta pinaagi sa pag-check ug pag-assess sa mga donor aron masiguro nga kwalipikado ug luwas sila sa pagdonate og dugo.
