Gibutyag sa Philippine Health Insurance Corporation (PhilHealth) nga nakabayad og mas taas nga kantidad sa mga claim alang sa mga benepisyo niadtong 2026 kon itandi sa susamang panahon sa miaging tuig.
Base sa datos nga gipagawas sa PhilHealth, nakabayad kini og kinatibuk-ang kantidad nga P251.02 bilyones tali sa Enero 1 ug Hulyo 31, 2026.
Sa mga pribadong pasilidad sa panglawas, ang maong ahensya sa gobyerno nagpahayag nga nakabayad kini og mga claim sa benepisyo nga nagkantidad og P148 bilyones.
Mas taas kini og 45 porsyento kon itandi sa P102.04 bilyones nga kantidad sa mga claim sa benepisyo nga nabayran sa susamang panahon sa miaging tuig.
Sa laing bahin, ang kantidad nga P103.02 bilyones gibayad ngadto sa mga pasilidad sa panglawas nga gidumala sa gobyerno.
Ang maong bayad mas taas og 43.81 porsyento kon itandi sa P71.64 bilyones nga kantidad sa mga claim sa benepisyo nga nabayran sa susamang panahon sa miaging tuig.
Photo Courtesy: Philippine Information Agency
