Nadakpan ang usa ka estudyante kinsa namaligya ug armas human sa gipahigayon nga buy-bust operation sa kapulisan niadtong milabayng adlaw sa Barangay San Pedro, Dapitan City, Zamboanga del Norte. Giila ang dinakpan nga si alyas Dan, 23 anyos, ulitawo ug residente sa lungsod sa Manukan susamang probinsya.
Gilusad ang maong operasyon pinaagi sa mga personahe sa Criminal Investigation and Detection Group Zamboanga del Norte Provincial Field Unit, kauban ang Dapitan City Police Station (Dapitan CPS) and 901st Maneuver Company, Regional Mobile Force Battalion 9 pinaagi sa OPLAN PAGLALANSAG OMEGA hinungdan sa pagkasikop sa suspetsado ug pagkasakmit sa 45 caliber pistol, usa ka magazine assembly, 7 ka mga buhing bala, ug ang Php500.00 nga gigamit isip buy bust money ug 19 kabuok 500 bills nga boodle money.
Ang dinakpan ug ang nakumpiska nga mga ebidensya gidala sa CIDG ZDN PFU alang sa dugang nga dokumentasyon ug tukmang disposisyon. Kasamtangang giandam ang kasong kriminal kalabot sa paglapas sa RA 10591 batok sa suspetsado.
Photo courtesy: istock
