Gisuspinde sa Department of Agriculture (DA) ang pag-eksport sa ube aron matubag ang kakulang sa mga planting materials ug mapalambo ang lokal nga produksyon.
Nagpatuman ang Bureau of Plant Industry (BPI) sa maong suspensyon niadtong bulan sa Agosto. Naglakip kini sa ube ug sa tanang matang sa mga materyales nga gigamit sa pagpadaghan sa tanom. Lakip sa gidili ang pagpadala sa ube ngadto sa gawas sa nasud, bisan pa kung kini alang sa direktang konsumo, pagtanom, o panukiduki.
Sumala kang Agriculture Secretary Francisco “Kiko” Tiu Laurel Jr., tumong sa maong lakang nga masiguro ang igong suplay sa mga planting materials sulod sa nasud samtang gipalapdan ang produksyon sa ube sa nagkalain-laing rehiyon.
Naglaom ang DA nga kung igo na ang lokal nga suplay, mapalig-on ang industriya ug mahimong mas dakong tinubdan sa kita gikan sa eksport ang ube alang sa nasud.
Photo Courtesy: Nutriscan
