Naghiusa ang gobyerno ug Moro Islamic Liberation Front o MILF sa paggamit sa ilang peace mechanisms aron malikayan ang pagsamot sa tensiyon tungod sa rido sa Special Geographic Area o SGA.
Sukad Septiyembre 16, nagtinabangay ang CCCH, AHJAG ug Joint Peace and Security Teams uban sa mga lokal nga panggamhanan ug MILF commanders aron mapasig-uli ang kalinaw sa mga apektadong komunidad.
Matud ni Presidential Peace Adviser Secretary Mel Senen Sarmiento, nagpabiling lig-on ang ceasefire mechanisms ug padayon ang koordinasyon aron mapanalipdan ang mga sibilyan.
Gipangayo usab niya sa tanang partido ang pagpugong sa kaugalingon ug pagtugot sa peace mechanisms nga masulbad ang panagbangi pinaagi sa malinawon nga paagi.
Photo Courtesy: PNA
