Gipalig-on ang Association of Southeast Asian Nations o ASEAN sa kooperasyon sa artificial intelligence isip kabahin sa ASEAN Digital Economy Framework Agreement o DEFA.
Matud ni Trade Undersecretary Allan Gepty, magtakda ang DEFA og komon nga regional rules alang sa cross-border e-commerce, electronic payments, data protection, online consumer protection ug kooperasyon sa AI ug emerging technologies.
Gilauman usab nga makabenepisyo ang micro, small and medium enterprises pinaagi sa mas kasaligan ug mas hapsay nga pagnegosyo sulod sa ASEAN.
Target nga pirmahan ang kasabutan sa Nobyembre atol sa 49th ASEAN Summit, samtang ang mga espesipikong programa sa AI pagahisgutan pa sa mga member-states human mahimong epektibo ang DEFA.
Photo courtesy: ASEAN 2026 PH
