Subling nanawagan ang Visayan Electric Company (Visayan Electric) sa publiko ug sa mga komunidad nga motabang sa pagsumpo sa pagpangawat og kuryente pinaagi sa pagreport sa mga ilegal nga kalihokan sa ilang dapit.
Sumala kang Engr. Mark Anthony Kindica, Presidente ug General Manager sa Visayan Electric Company nga ang mga buhat sama sa illegal tapping, flying connections, jumper, ug pag-tamper sa metro dili lang kay supak sa balaod kondili peligroso usab kaayo kay mahimo kining hinungdan sa sunog ug disgrasya.
Aron masiguro ang kaluwasan sa tanan ug ang makiangayong bayranan sa kuryente, giawhag sa Visayan Electric ang publiko nga i-report dayon ang bisan unsang kaduda-dudang koneksiyon.
Nauna niini gipasalig sa kompanya nga pabiling kompidensiyal o itago ang identidad sa bisan kinsa nga mosumbong ngadto sa ilang buhatan.
Photo courtesy: File Photo
