Giaresto sa Quezon City Police District ang magulang nga sister ni Kim Chiu nga si Lakam Chiu subay sa kasong qualified theft. Nadakpan ang 45-anyos nga si Lakam gahapon sa hapon sa Barangay Wack Wack, Mandaluyong City pinaagi sa warrant of arrest gikan sa Quezon City RTC Branch 84.
Girekomendar sa korte ang piyansa nga 5.838 million pesos. Naggikan ang warrant sa 124 counts sa qualified theft nga gipasaka mismo ni Kim batok sa iyang magulang kabahin sa giingong pagkuha niini sa corporate funds sa ilang gidala nga kompanya nga House of Little Bunny Philippines.
Sumala sa prosecutorial resolution, miabot sa 44.39 million pesos ang kinatibuk-ang kantidad nga nakuha pinaagi sa mga withdrawal ug online transfer nga walay pagtugot o corporate authorization gikan sa kompanya.
Photo courtesy: Showbiz Philippines
