Gikatakdang motestigo atubangan sa Senate impeachment court karong Setyembre 23 si Davao City Mayor Sebastian “Baste” Duterte samtang gisusi sa House prosecution ang mga deklaradong interes sa negosyo ni Bise Presidente Sara Duterte.
Matod sa mga prosecutor, mahimo nilang hangyoon nga ideklara si Baste isip “hostile witness” samtang pangutan-on kini kalabot sa mga transaksyon tali kompanya nga nalambigit sa Bise Presidente ug sa gobyerno sa Davao City sa panahon sa iyang paglingkod isip mayor.
Sumala sa legal nga tigpamaba ug abogado sa House prosecution nga si Atty. Jay Tolosa Jr., ang testimonya ni Duterte kabahin sa presentasyon sa prosekusyon ubos sa Article II, nga naghisgot sa mga alegasyon bahin sa dili masaysay nga bahandi sa iyang igsoon nga si Bise Presidente Sara Duterte.
Samtang gikumpirma ni Atty. Justin Gular, Deputy Spokesperson sa defense team ni Bise Presidente Sara nga andam sila alang sa paghatag og testimonya ni Baste.
Kon kahinumduman nga nakapagawas na og subpoena ang impeachment court alang kang Baste, uban sa ubang mga saksi, niadtong miaging Huwebes, Septiyembre 16.
Photo Courtesy: Instagram
