Nasunog ang usa ka panimalay sa Purok Sunshine, Barangay Santiago, Pagadian City, mga alas 2 sa hapon, Septyembre 15, 2026. Ang maong panimalay gipanag-iyahan sa usa ka nagngalang “Camelo” negosyante, hingkod ang panuigon ug residente sa maong lugar.
Segun sa mga nakasaksi, kalit lang misilaob ang maong panimalay ug wa silay namatikdan nga timailhan sa pagsugod sa maong kalayo. Dali nga niresponde ang mga personahe sa Bureau of Fire Protection (BFP) Pagadian dala ang duha ka firetruck aron sa pagpalong sa kalayo.
Nakontrola ra usab dayon sa mga personahe ang kalayo mga alas 2:33 sa hapon ug napugngan ang pagkuyanap niini sa tapad nga balay ug usa ka “Mosque.
Padayon pa ang paglusad ug makuting imbestigasyon sa mga imbestigador sa BFP Pagadian aron matino ang hinungdan sa maong sunog ug masuta ang gibiling damyos.
