Nangayo og klarong legal nga basehanan ang Commission on Elections (COMELEC), kabahin sa balaod nga magtakda sa postponement sa Barangay ug Sangguniang Kabataan Elections (BSKE).
Matud ni Comelec Chairman George Garcia, posibleng mag-atubang ug problema ang poll body tungod kay gitakda na ang filing sa Certificate of Candidacy alang sa mga barangay ug SK candidates, gikan Septiyembre 28 hangtod Oktubre 5, 2026.
Matud ni Garcia, gikinahanglan sa Comelec ang klarong balaod bahin sa postponement sa dili pa moabot ang Septiyembre 28, aron mahibal-an nila kung unsay tukmang lakang nga sundon.
Giingon sab ni Garcia, bisan walay kasiguruhan pa ang postponement, magpadayon gihapon ang COMELEC sa ilang mga buluhaton samtang naghulat sa mas klaro ug legal nga giya gikan sa Kongreso.
Importante sab matud pa kini aron malikayan ang kalibog sa proseso sa filing sa Certificate of Candidacy alang sa mga magpapili nga opisyal sa barangay ug sa tibuok pagpangandam alang sa BSKE.
Photo Courtesy: PNA
