Andam na ang mga teams ug coaches sa Premier Volleyball League (PVL) alang sa All-Filipino Conference nga bahinon sa tulo ka series nga Siklab, Sigla ug Sinag. Ang unang series nga Siklab magsugod sa Oktubre 10 ug molungtad hangtod Disyembre, diin ipatuman ang “all-to-play” rule ug ang matag player nga anaa sa scoresheet kinahanglan hatagan og higayon nga makadula.
Ang Sigla magsugod Enero hangtod Marso, diin tangtangon na ang maong rule ug mopili na ang coaches sa ilang pinakakusgan nga lineup. Samtang ang Sinag himuon gikan sa katapusang bahin sa Marso hangtod Abril ug gamiton ang accumulated standings points gikan sa Siklab ug Sigla.
Matud sa mga coaches ug players, mahimong taas ug hago ang season, hinungdan nga importante ang maayong kondisyon ug pag-atiman sa kahimsog. Lauman nga ang Creamline maoy modepensa sa ilang titulo sa tulo ka series.
Photo Courtesy: TicketMax
