Maglunsad pag-usab ang Bangko Sentral ng Pilipinas (BSP) og coin deposit machines sa Cebu karong Nobyembre, isip unang lakang sa nationwide rollout. Matud sa BSP, posible kini ilunsad sa Nobyembre 17, apan tentative pa ang petsa.
Ang mga machine magtugot nga ideposito ang mga sensilyo ug i-convert kini ngadto sa e-wallet credits o shopping vouchers. Target sa BSP nga ma-deploy ang 50 ka coin deposit machines sa tibuok nasud hangtod Enero sa sunod tuig.
Nakipartner usab ang BSP sa SM aron adunay personnel nga motan-aw sa maintenance ug pagkuha ug pag-verify sa mga sensilyo. Tumong sa programa nga mapabalik sa sirkulasyon ang mga natigom nga sensilyo ug mapalapad ang access sa mga financial services.
Photo Courtesy: Philippine Information Agency
