Naglaum ang 4th Infantry Division sa Philippine Army nga padayon nang makalingkawas ang Northern Mindanao sa ilang gihulagway nga “kangitngit” nga dala sa New People’s Army o NPA.
Matud ni Lieutenant Colonel Patrick Martinez, bisan ang pipila ka lumad nagpasalamat nga hinay-hinay nang napahuyang ang presensya sa rebelding grupo, ilabi na tungod sa kabalaka nga maapektuhan ang ilang kultura ug komunidad.
Dugang pa ni Martinez, importante nga mapanalipdan ang kabataan batok sa mga ideolohiya nga mahimong makapahisalaag sa ilang panglantaw ug kaugmaon.
Samtang gibutyag sa 4ID, padayon ang ilang paningkamot sa pagpalig-on sa kalinaw ug seguridad sa Northern Mindanao, samtang gidasig ang mga komunidad nga mosuporta sa mga programa alang sa malinawon ug mas lig-on nga kaugmaon.
