Gipasabot sa Social Security System (SSS) Pagadian Branch ang pipila ka mga hinungdan sa pagkalangan sa pagproseso sa ubang benepisyo sa mga miyembro.
Matud ni SSS Pagadian Branch Manager Edwin Remoto, kasagarang hinungdan sa delay mao ang sayop o dili updated nga impormasyon sa membership record sa miyembro.
Lakip niini ang sayop nga pangalan ug uban pang personal nga datos nga dili motakdo sa rekord sa SSS nga nagkinahanglan matud pa nga ipa-correct ug ipa-verify.
Alayon niini, gidasig sa SSS Pagadian ang mga miyembro nga kanunay susihon ang ilang membership records ug siguruha nga husto ug updated ang ilang impormasyon.
Segun ni Remoto, pinaagi niini mahimong malikayan ang problema sa pagproseso ug ang posibleng pagkalangan sa pag-claim sa mga benepisyo.
