Arestado ang usa ka 28 anyos nga lalaki nga nalista isip Street-Level Individual (SLI) atol sa search warrant implementation sa may Barangay Gabunon, Tambulig, Zamboanga del Sur, adlaw’ng Dominggo, Septyembre 13, 2026.
Ang operasyon gihimo sa pagpanguna sa mga personahe sa Zamboanga del Sur Provincial Intelligence Unit, Tambulig Municipal Police Station, Zamboanga del Sur Provincial Drug Enforcement Unit, Provincial EOD and Canine Unit ZDS, ug 53rd Infantry Battalion, Philippine Army.
Sa maong operasyon nakumpiska ang tulo ka pakete sa gituohang shabu lakip ang 11 rounds sa caliber .45 ammunition, eight rounds sa 12-gauge ammunition, ug 11 rounds sa 7.62mm ammunition.Lakip sa nakumpiska ang 5.56mm magazines ug duha ka fragmentation hand grenades nga giturn-over na sab ngadto sa Explosives and Ordnance Division for proper disposition.
Ang mga nakumpiskang drug evidence gisubmitar na ngadto sa Zamboanga del Sur Provincial Forensic Unit alang sa laboratory examination. Human sa operasyon, ang dinakpan nga indibidwal lakip ang nakumpiskang butang gidala na sa Tambulig Municipal Police Station alang sa hustong disposisyon.
Photo Courtesy:ZSPPO-PIO
