Gisugyot ni Senate President Sherwin Gatchalian ang localized class suspension aron malikayan ang dugang nga learning loss sa mga estudyante.
Matud ni Gatchalian, mas angay nga magpadayon ang klase sa mga eskwelahan ug lugar nga dili apektado sa dautang panahon ug diha lang angay nga magsuspenso sa mga lugar nga delikado.
Sumala ni Gatchalian, mokabat sa 20 ka adlaw nga klase ang nalangan sa nagkalain-laing bahin sa nasud sulod lang sa milabay nga 30 ka adlaw tungod sa dili maayong panahon.
Gibase usab niya ang iyang pahayag sa pagtuon sa EDCOM II, diin nakita nga sa milabayng duha ka tuig, 30 hangtod 50 ka adlaw nga academic calendar ang kasagarang nawala tungod sa class suspensions.
Ubos sa Senate Bill Number 53, o 21st Century School Boards Act, gusto ni Gatchalian nga hatagan og dugang gahum ang local school boards sa pagdesisyon sa tukmang interventions panahon sa kalamidad.
Ang tumong niini mao ang kaluwasan sa mga estudyante ug magtutudlo aron masiguro nga magpadayon ang edukasyon sa mga lugar nga luwas.
PHOTO COURTESY: Asia Gaming Brief
