Mokabat sa 4,379 ka job vacancies ang gitanyag atol sa Handog ng Pangulo Trabaho Para sa Lahat Job Fair nga gipahigayon sa Megagym, Provincial Government Complex, Dao, Pagadian City, kagahapong adlawa Septyembre 14, 2026.
Gikan sa maong ihap, 572 ka trabaho ang gigahin sa 21 ka local employers, samtang 3,867 ka trabaho ang gigahin sa 6 ka mga Overseas recruitment agencies.
Lakip sa mga local employers nga miapil ang Mabuhay Hardware Rizal, MCI Hardware, Mega Wheels Center, AB Signatories Print and Souvenir Shop, Paglaum Multipurpose Cooperative, CTM School Uniform and Supplies, Kamayan sa Pagadian, Chandler Suites, Gaisano Capital Pagadian, Win Wholesale, Mercury Drug Corporation, Abenson Ventures Incorporated, MEMPCO ug Triumph Home Depot-Pagadian.
Gidasig usab ang tanang mga nangita ug trabaho nga pahimuslan ang maong job fair ug magpakisusi sa mga bakanteng posisyon nga mahiangay sa ilang kahibalo ug kahanas.
Mipartisipar usab ang pipila ka mga National Government Agencies sama sa TESDA, SSS, PHILHEALTH, PAGIBIG, NBI, PSA, PRC, BIR, DICT, DTI, DMW, PNP, ug OWWA aron muhatag sa gikinahanglan nilang serbisyo ngadto sa mga nagaplay ug trabaho.
