Gipahayag sa Olympic gold medalist nga si Carlos Yulo nga dili niya planong dapiton ang iyang mga ginikanan sa iyang umaabot nga kasal uban sa partner nga si Chloe San Jose. Sa usa ka interbyu, gibutyag ni Yulo nga gusto niya nga ang ilang kasal magpabiling pribado ug naka-focus lamang kanila ni Chloe, aron mapuno kini sa gugma ug kalipay.
Gipasabot ni Yulo nga napasaylo na niya ang iyang mga ginikanan sa mga nahitabo kaniadto, apan gusto na niyang pasagdan ang mga butang kung asa kini karon. Matud pa niya, dili niya gusto nga mamantsahan ang espesyal nga higayon nga para kanila lamang.
Samtang, miingon si Chloe nga iyang respetohon ang desisyon ni Yulo ug kung unsa ang makapakomportable niini. Matud niya, adunay man o wala ang mga ginikanan ni Carlos sa ilang kasal, ang importante mao nga silang duha magpabiling naka-focus sa usag usa ug sa ilang gugma.
Photo Courtesy: PEP.ph
