Magpadayon ang operasyon sa Mandaue City Hall bisan pa sa sunod-sunod nga nasinating rotational brownout sa dakbayan.
Gipasiguro sa lokal nga kagamhanan nga magpadayon ang mga transaksyon ug serbisyo alang sa publiko atol sa office hours. Giandam usab ang mga generator set aron magamit kung maputol ang suplay sa kuryente.
Sumala ni Mandaue City Administrator Atty. Sally Malig-on nga magpadayon ang serbisyo publiko bisan pa og walay kuryente, bisan tuod mahimong dili komportable ang sitwasyon.
Matod pa niya, ang brownout usa ka kahimtang nga dili kontrolado sa dakbayan, apan paningkamotan gihapon sa City Hall nga dili maapektuhan ang serbisyo sa mga Mandauehanon.
Photo courtesy: Pinterest
