Dili na mangayo og dugang extension ang Department of Agriculture (DA) sa P50 kada kilo nga price cap sa imported rice. Matud ni DA spokesperson Arnel de Mesa, dili na kini ipadayon tungod kay mi-stable na ang presyo sa bugas sa merkado. Sumala sa DA, daghan na usab karon nga imported rice ang gibaligya ubos sa P50 pesos kada kilo, hinungdan wala na matud pay panginahanglan nga ipadayon ang price cap.
Ang 30-day nationwide price ceiling nga P50 kada kilo sa 5% broken imported rice gipatuman pinaagi sa Executive Order 118, nga gipirmahan ni Presidente Ferdinand Marcos Jr. niadtong Mayo 13.
Sa datos sa DA Bantay Presyo hangtod Septiyembre 9, ang premium imported rice sa Metro Manila kasagarang P50 kada kilo, samtang ang pinakataas miabot og P60. Ang regular milled imported rice anaa sa P45 kada kilo, samtang ang well-milled imported rice anaa sa P47 hangtod P48 kada kilo.
Samtang, wala gihapon gikonsiderar sa gobyerno ang pag-ban sa imported rice, ilabi na nga nag-andam ang nasod sa posibleng epekto sa kusog nga El Niño sa supply sa pagkaon sa umaabot nga mga bulan.
Photo Courtesy: PNA
