Patay ang kapin 1,000 ka bata samtang kapin sa 187,000 ang nataptan sa pinakagrabeng outbreak sa tipdas nga natala karon sa Bangladesh. Sumala sa U.S. Centers for Disease Control and Prevention (CDC), ang Bangladesh karon ang adunay pinakadakong natala nga kaso sa tipdas sa tibuok kalibotan.
Giingong nakatampo sa krisis ang kakulang sa bakuna, bunga sa pagbag-o ug mga polisiya ug sa political crisis niadtong 2024 ug 2025. Niadtong Abril, gilusad ang emergency vaccination drive diin niabot sa 18 milyon ka mga bata ang nabakunahan.
Apan, gibana-bana nga anaa pa sa sobra 4 milyon nga mga bata ang wala gihapon maabot sa vaccination campaign. Gipasiugda sa mga health authorities ang panginahanglan sa mas lapad nga vaccination efforts aron mapugngan ang dugang nga pagkuyanap sa tipdas ug mapanalipdan ang mga bata.
Photo Courtesy: Dayton Daily News
