Duha ang kumpirmadong namatay human sa kusog nga pagbusikad sulod sa usa ka military barracks sa Viacha, Bolivia. Sumala kang Bolivian Defence Minister Ernesto Justiniano, mokabat sa 81 ka tawo ang nasamdan, samtang pito pa ang gikatahong missing human sa maong insidente.
Grabe usab ang kadaot nga naangkon sa pipila ka mga balay ug mga building sa palibot sa Viacha tungod sa kusog nga pagbusikad.
Nagpaabot usab og pahisubo si Bolivian President Rodrigo Paz ngadto sa mga pamilya sa mga namatay ug nasamdan. Padayon karon ang imbestigasyon sa mga awtoridad aron mahibal-an ang hinungdan sa maong pagbuto.
Photo Courtesy: South China Morning Post
