Gidakop sa mga operatiba sa Criminal Investigation and Detection Group o CIDG Surigao del Norte Provincial Field Unit ang usa ka 32-anyos nga mag-uuma ug kanhi miyembro sa New Peoples Army, atol sa pagpatuman sa mga warrant of arrest sa Placer, Surigao del Norte.
Gipangulohan sa Tracker Team sa CIDG Surigao del Norte PFU ang operasyon base sa intelligence ug Internal Security Operations Division o ISOD, ug nakigtambayayong sa Placer Municipal Police Station.
Ang suspek nga taga Butuan City, Agusan del Norte, nag-atubang sa kaso nga Murder, Ang warrant gi-isyu sa Regional Trial Court Branch 33 sa Butuan City niadtong Marso 12, 2024, ug walay rekomendadong piyansa.
Samtang ang Attempted Homicide, nga adunay rekomendadong piyansa nga P36,000. Sumala sa CIDG, ang Suspek nalakip sa Periodic Status Report o PSR niadtong unang quarter sa 2025 ug giila isip kanhi Vice Squad Leader sa Squad 1, Platoon 1, SRSGD, Westland sa CPP/NPA.
Sa pagkakaron, anaa na sa kustodiya sa CIDG Surigao del Norte PFU ang suspek alang sa tukmang dokumentasyon ug disposisyon. Padayong paningkamot sa CIDG ug mga kaubang police units sa pagpangita sa mga wanted person ug pagsiguro nga mapatuman ang mga warrant of arrest nga giisyu sa korte.
