Ginturn-over sang Department of Environment and Natural Resources ukon DENR Region 12 ang duha ka Special Patents sa National Housing Authority ukon NHA sa Glan, Sarangani sang damlag lang.
Ang mga dokumento nagalakip sang kabug-usan nga duha ka ektarya nga duta nga igahatag sa mga kwalipikado nga benepisyaryo sa idalom sang “Handog Titulo Program” sang gobyerno. Pinaagi sini, ginalauman nga mangin mas sigurado ang land tenure sang mga benepisyaryo kag makabulig sa ila nga makakuha sang desente kag permanente nga puluy-an.
Kabahin man ini sang selebrasyon sang Lands Anniversary kada bulan sang Setyembre. Nagpasalamat naman ang lokal nga panguluhan sa DENR, NHA kag iban pa nga ahensya sang gobyerno sa padayon nga kooperasyon, ilabi na sa pagbulig sa mga pamilya nga naapektuhan sang nagligad nga mga linog.
Ginalauman nga pinaagi sa sini nga programa, mas madamo nga pamilya sa Glan ang maka-istar sa ila kaugalingon nga puluy-an.
Photo Courtesy: DENR Soccsksargen
