Miani og nagkalain-laing reaksyon sa social media ang talagsaon nga kasinatian sa usa ka babaye nga giingong naka-survive human sa cardiac arrest ug nawad-an ug pulso sulod sa pipila ka minuto.
Ang maong babaye nailang si Tina Hines, nga kalit lang matud pa nga nakuyapan ug nawad-an og pulso diin gisulayan matud pa siya og CPR ug gilayon gitabangan sa mga paramedic.
Matud pa sa mga report, milungtad og dula-n 27 minutos ang mga paningkamot aron mabalik ang iyang kahimtang, ug sa dihang gidala na siya sa ospital, nakamata siya. Tungod kay bag-o pa siyang na-intubate ug dili pa makasulti, nangayo siya og ballpen ug papel ug misulat og tulo ka pulong “It’s real.”
Sa dihang gipangutana kon unsay iyang gipasabot, mitudlo siya ngadto sa langit, nga sa ulahi iyang gipaambit nga nakasinati siya og talagsaong panan-aw nga iyang gihubad isip pag-adto sa langit.
Apan sumala sa mga eksperto, ang ingon niini mahimong matawag nga near-death experience, ug dili pa kini igo nga ebidensiya aron mapamatud-an kung unsa gyud ang mahitabo human sa kamatayon.
Photo Courtesy: Good news Newspapers
