Mokabat sa 351 ka police personnel gikan sa Zamboanga del Sur Police Provincial Office, Zamboanga del Norte Police Provincial Office, ug Zamboanga Sibugay Police Provincial Office, ang gipadala alang sa deployment sa umaabot nga BARMM Parliamentary Election.
Kini subay sa gipahibalo ni ZSPPO Provincial Director Bonifacio Arañas Jr. nga atol sa send off-ceremony atol sa gipahigayon nga send-off ceremony kagahapon sa Camp Abelon, Barangay Lumbia, Pagadian City.
Nagpahinumdom usab si Col. Arañas ngadto sa mga PNP personnel sa ilang dakong responsibilidad sa paghatag og seguridad ug suporta alang sa malinawon, hapsay ug patas nga pagpahigayon sa BARMM Parliamentary Election karon lunes September 14, 2026.
Ang mga personnel ideploy sa mga strategic areas sulod sa Bangsamoro region aron motabang sa pagpatuman sa peace and security measures, pagpanalipod sa mga botante ug election personnel, ug pagpugong sa posibleng mga hulga sa seguridad.
Gipasidan-an usab niya ang mga pulis nga gideploy sa election nga magpabiling propesyonal, alerto, disiplinado ug patas sa pagtuman sa ilang katungdanan, ilabi na sa pagsiguro nga respetado ang mga balaod ug polisiya sa eleksyon.
