Gipalapdan ug gipalig-on sa Department of Energy (DOE) ang Net-Metering Program aron mas daghang panimalay, negosyo, health facility ug ubang kwalipikadong konsumidor ang makagamit og solar energy.Β
Pinaagi niini, magamit sa konsumidor ang kuryente nga gihimo sa ilang solar system ug ang sobra nga kuryente mahimong ipadala sa grid bugti og credit nga makapamenos sa ilang bayranan sa kuryente.
Aron mas daghang tawo ang makagamit, gilunsad sa DOE ug Institute for Climate and Sustainable Cities (ICSC) ang Net-Metering Caravan 2026.Β Gisugdan kini sa Cagayan de Oro City aron mahibal-an ug masulbad ang mga problema sa pagpatuman sa net-metering ug aron masabtan sa mga konsumidor kung unsaon pag-aplay ug paggamit sa maong programa.
Gisuportahan ang caravan sa Tara Climate Foundation ug kabahin kini sa Clean, Affordable, and Secure Energy (CASE) for Southeast Asia Project Philippines.
Tumong sa programa nga mapalapad ang paggamit sa limpyo ug mas barato nga enerhiya, ilabi na ang solar power, sa nagkadaiyang bahin sa nasud.
Photo Courtesy: DOE
