Nadakpan sa hiniusang operasyon sa kapulisan ang giila nga Top 1 Regional Most Wanted Person sa unang quarter sa 2026, atol sa usa ka focused law enforcement operation sa Purok 6, Barangay Tagongon, Tagbina, Surigao del Sur.
Nahimo ang operasyon pasado alas 11:40 sa gabii, diin nanguna isip lead unit ang mga personnel sa 1301st Maneuver Company, Regional Mobile Force Battalion 13 (RMFB13), uban sa koordinasyon sa 14th Special Action Company, 1st Special Action Battalion – PNP Special Action Force (14SAC, 1SAB–PNP SAF), Regional Intelligence Unit 13 (RIU13), Provincial Intelligence Team of Surigao del Sur (PIT-SDS) ug Tagbina Municipal Police Station (MPS).
Ang suspek nadakpan pinaagi sa mga Warrant of Arrest alang sa lima ka ihap sa Murder, nga gi-isyu sa Regional Trial Court, 11th Judicial Region, Branch 41 sa Cantilan, Surigao del Sur nga walay girekomendar nga piyansa alang sa iyang temporaryong kagawasan.
Giatubang usab sa nadakpan ang kaso nga Frustrated Murder ug Attempted Murder, diin ang matag kaso adunay girekomendarang piyansa nga ₱100,000.
Base sa rekord sa kapulisan, ang nadakpan giila isip kanhi Squad Medic sa Squad 3 sa Southern Regional Sub-Regional Guerilla Unit (SRSDG), Westland, North Eastern Mindanao Regional Committee (NEMRC) ug giingong miyembro sa Communist Terrorist Group (CTG). Human sa pagdakop, gidala dayon ang nadakpan sa Tagbina Municipal Police Station alang sa dokumentasyon ug hustong disposisyon.
Photo courtesy: PNP 1301st Maneuver Company Rmfb13
