Nagpagawas og public advisory ang Tagum Water District (TWD) aron pasidan-an ang mga konsumante batok sa nagkadaghang kaso sa pagpangawat sa mga metrohan sa tubig sa dakbayan.
Sumala sa TWD, posibleng pasakahan og kaso ang mga masakpang nangawat sa metrohan sa tubig subay sa balaod nga nakalatid ug pagasilotan sa tukmang lakang. Tungod niini, gihangyo sa TWD ang tanang konsumante nga magmatngon ug magbantay sa ilang mga metrohan.
Gidasig usab ang publiko nga i-report dayon sa mga awtoridad ug sa Tagum Water District ang bisan unsang kadudahang kalihokan o insidente nga may kalabotan sa pagpangawat sa bisan unsang gamit nga iya sa maong buhatan.
Photo Courtesy: Tagum Water District – TWD
