Giduso ni Davao del Norte 1st District Congressman De Carlo “Oyo” Uy ang pagtukod og Philippine Science High School o PSHS campus sa Tagum City aron mas mapaduol sa mga estudyante sa Distrito Uno ang dekalidad nga edukasyon sa Science, Technology, Engineering and Mathematics o STEM.
Sumala ni Uy, makatabang ang maong plano aron mas daghang talented ug bright nga kabatan-onan sa distrito ang makabaton og mas duol nga oportunidad sa STEM education.
Niadtong Agosto 24, nakigkita si Uy kang PSHS System Executive Director Dr. Ronnalee N. Orteza aron pormal nga i-forward ang iyang Letter of Intent alang sa planong pagtukod sa campus.
Gilauman nga ang maong inisyatiba makahatag og dugang oportunidad sa mga estudyante sa Davao del Norte nga gustong molambo sa siyensya, teknolohiya, engineering ug mathematics.
Photo Courtesy: Oyo Uy/Facebook
