Malipayon ug puno sa pasalamat nga gidawat ni Nanay Constancia sa Brgy. Magugpo South ning dakbayan sa Tagum ang iyang ₱100,000.00 Centenarian Gift atol sa iyang pagsaulog sa ika-100th birthday kagahapong adlawa, Setyembre 1, 2026.
Gihatag ang maong cash gift isip benepisyo ubos sa Republic Act No. 11982, nga naghatag og ₱100,000 cash gift alang sa matag Pilipino nga makaabot sa edad nga 100.
Personal kining gihatag ni Councilor Ciara Isabelle Uy-Salazar, kauban si CSWDO Head Ricky Tijon, ug Senior Citizen Focal Nor-Ayn Sugbo.
Gipondohan kini sa National Commission of Senior Citizens (NCSC) ug gipangalagad pinaagi sa City Social Welfare and Development Office (CSWDO) isip paghatag og pag-ila ug pagpasidungog sa usa ka siglo nga kinabuhi nga puno sa gugma ug bililhong mga panumduman.
Photo Courtesy: City Government of Tagum
