Nag-umpisa na ang pagpatuman sang dugay na nga ginhandum nga road project sa Barangay Kenram, Isulan, Sultan Kudarat. Ang proyekto ginakabig sang Barangay Government of Kenram bilang isa ka importante nga tikang para sa pag-uswag sang komunidad kag pagpaayo sang pagbiyahe sang mga residente.
Ginpahayag sang Barangay Government ang pagpasalamat sa Provincial Government sang Sultan Kudarat, sa mga opisyal sang probinsya kag lokal nga gobyerno, kag sa mga pribado nga kompanya nga nagbulig sa pagpatuman sang proyekto.
Partikular nga ginpasalamatan ang Kenram Philippines Incorporated ukon KPI kag Kenram Palm Oil Industries Incorporated ukon KPII sa pagdonar sang duta nga kinahanglan para sa road project.
Ang proyekto indi lamang isa ka dalan kundi simbolo man sang paglaum, pag-uswag kag pagkahiusa sang mga pumuluyo kun sa diin makabulig sa mas maayo nga koneksyon kag mas madasig nga paghatod sang serbisyo sa mga residente sang Barangay Kenram kag mga palibot nga komunidad.
Photo Courtesy: Brgy.gov’t of Kenram
