Opisyal na nga nagbukas ang EATS Talakudong 2026 sa City Hall Grounds sang Tacurong City sang Setyembre 1, 2026, bilang kabahin sang selebrasyon sang Talakudong Festival 2026.
Ginpangunahan ni City Mayor Lina O. Montilla, PhD, kaupod si Vice Mayor Atty. Ralen Tabusares-Bernardo kag mga miyembro sang 10th Sangguniang Panlungsod, ang seremonyal nga pagbukas sang food event.
Masobra sa 20 ka food concessionaires ang nagapartisipar kag nagaserbe sang nagkalain-lain nga pagkaon, lakip ang local favorites, grilled specialties, seafood, kape, pastries, Korean dishes kag iban pa nga comfort food.
Ang EATS Talakudong 2026 nagahatag sang venue para sa mga lokal nga food entrepreneurs nga ipakita kag mabaligya ang ila mga produkto sa mga residente kag bisita sang syudad.
Ginahingyo man ang publiko nga magbisita sa food destination, magsuporta sa mga lokal nga negosyante, kag magtilaw sang nagkalain-lain nga pagkaon nga ginatanyag sa sini nga tuig nga Talakudong Festival.
Magapadayon ang EATS Talakudong 2026 bilang kabahin sang mga aktibidad sang selebrasyon sa Tacurong City tubton Setyembre 14, 2026.
Photo Courtesy: City Government of Tacurong
