Pilason ang isa ka 43-anyos nga traysikol drayber matapos ginluthang sang duha ka wala pa makilal-an nga mga suspek sa Purok 3, Barangay Bayawa, President Quirino, Sultan Kudarat, alas 8:30 sang aga, ning adlaw sang Miyerkules, Setyembre 2, 2026.
Ginkilala ang biktima kay Saleym Sumapal Calimbul, residente sang Poblacion Buluan, Maguindanao del Sur.
Suno sa imbestigasyon sang kapulisan, nagasakay ang biktima sa iya traysikol halin Tacurong City pakadto sa banwa sang Buluan, sang ginlagas ini sang duha ka lalaki nga sakay sa Bajaj motorcycle kag ginluthang sang wala pa matukib nga rason.
Narekober sa crime scene ang siyam ka basyo sang ginapatihan nga caliber .45 nga bala apang isa lang ka bala ang nakaigo sa butkon nga bahin sang biktima.
Padayon ang hot pursuit operation sang kapulisan agud madakpan ang mga nagpalagyo nga suspek.
Photo Courtesy:Jo-Ann Hiponia
