Arestado ang isa ka 57-anyos nga babaye nga wanted bangud sa ginakabig nga paglapas sa Section 10(a) sang Republic Act 7610 ukon Special Protection of Children Against Abuse, Exploitation and Discrimination Act sang kapulisan sa Esperanza, Sultan Kudarat.
Natabo ang pag-aresto pasado alas-2:40 sang hapon sang Setyembre 1, 2026 sa Prk. 1, Barangay Guiamalia. Ang nasambit nga suspek, nga ginkilala sa alyas nga “Bebot,” residente sang amo nga lugar kag gin-aresto base sa warrant of arrest nga gin-isyu sang Regional Trial Court sa Isulan, Sultan Kudarat, sang Agosto 12, 2026.
Apang, wala sang ginrekomendar nga piyansa para sa iya kaso. Suno sa Police Regional Office 12, ginpahibalo ang suspek sang iya constitutional rights kag sang iya mga kinamatarong sa idalom sang Anti-Torture Act sa linggwahe nga iya nahangpan.
Ginpahayag ni PRO 12 Regional Director PBGEN Alan B. Manibog nga padayon nga tumanon sang kapulisan ang ila katungdanan sa pagpatuman sang mga warrant of arrest kag paghatod sang hustisya sa nagakaigo nga tion.
Photo Courtesy: PNP Police Regional Office 12
