Patay ang 6-anyos nga batang lalaki human gikatahong nalumos sa Pantalan, sa Purok 5, Barangay Buenavista, Dakbayan sa Surigao. Sumala sa report sa Surigao Component City Police Station, sigon sa amahan sa biktima, alas-3:00 sa hapon nananghid ang bata sa iyang lola nga magdula sa parke sa maong barangay.
Alas-4:00 sa hapon, nakita sa usa ka concern citizen ang bata sa lugar. Nakurat na lang kini dihang duha ka bata ang nisumbong nga ilang nakita ang biktima nga naglutaw na sa tubig.
Dali giadtoan sa amahan ang lugar kauban ang silingan ug gisulayan pagluwas ang bata dayon gidala sa Caraga Regional Hospital. Gideklara nga dead on arrival sa attending physician ang bata.
Gipailalom sa postmortem examination aron matino ang eksaktong hinungdan sa iyang kamatayon. Ang mga patayng lawas sa biktima anaa karon sa punenarya sa Barangay Luna, Surigao City.
Photo Courtesy: Surigao Component City Police Station fb page
