Miulbo ang halapad nga dakong wildfire sa West Kalimantan, Indonesia. Nanawagan ang health expert sa publiko nga limitahan ang paggawas sa balay tungod sa makadaot nga hangin nga dala sa aso sa wildfire.
Ilabina nga gitambagan ang mga bata, tigulang, buntis, ug mga tawo nga adunay hika o sakit sa baga ug kasingkasing nga mag-amping, human natala ang “very unhealthy” hangtod “acutely unhealthy” nga lebel sa epekto sa hangin sa pipila ka lugar nga miaabot na sa Metro Manila.
Sumala sa mga otoridad, nadala sa kusog nga hangin ang aso tabok sa equator padulong sa Pilipinas, hinungdan sa pagsaka sa lebel sa particulate matter sa kahanginan.
Giawhag ang publiko nga mogamit og angay nga face mask kon kinahanglan gyud mogawas, isira ang mga bintana ug pultahan, ug likayan ang kalihokan sa gawas.
Gibantayan usab sa mga ahensya sa gobyerno ang kahimtang sa air quality, ilabina sa posibilidad nga maapektuhan ang ubang bahin sa Visayas kung magpadayon ang maong dagan sa hangin.
Photo Courtesy: South China Morning Post
