Gipalig-on sa gobyerno sa Japan ang mga lagda alang sa mga langyaw nga nagpuyo sa nasud, tungod sa kabalaka sa paspas nga pagdaghan niini. Lakip sa mga lakang ang pagpahugot sa requirements alang sa permanent residence ug pagtaas sa bayranan sa residence applications.
Sugdan usab sa Oktubre ang pagpataas og 20 ka pilo sa bayranan sa permanent residence ngadto sa 200,000 yen. Gihugtan usab ang kondisyon sa pagkuha og Japanese citizenship, diin ang gikinahanglang panahon sa pagpuyo sa Japan ipataas gikan lima ngadto sa 10 ka tuig.
Miabot na sa record-high nga kapin 4.1 milyon ang mga langyaw nga nagpuyo sa Japan sa katapusan sa 2025. Apan, nagpasidaan ang pipila ka eksperto ug politiko nga ang sobra nga pagpahugot mahimong makapamenos sa interes sa mga langyaw nga motrabaho ug mopuyo sa Japan, ilabi na tungod sa nagkagamay nga working-age population sa nasud.
Photo Courtesy: WSJ
