Gisilbihan og bag-ong warrant of arrest si kanhi Bamban, Tarlac Mayor Guo Hua Ping, alyas Alice Guo, sulod sa Correctional Institution for Women sa Mandaluyong City niadtong Biyernes sa gabii. Gipatuman sa Manila Police District ang warrant alas-sais sa gabii niadtong Agosto 14, 2026, human kini ipagawas sa Regional Trial Court Branch 67 sa Pasig City niadtong Agosto 7.
Giatubang ni Guo ang tulo ka kaso tungod sa paglapas sa Anti-Graft and Corrupt Practices Act, diin adunay girekomendar nga piyansa nga 90 mil pesos sa matag kaso.
Samtang, gipailalom siya sa booking procedures sulod sa correctional facility, lakip ang pagkuha sa iyang mugshot. Si Guo ug uban pa , kaniadto nakit-ang sad-an sa human trafficking nga may kalabotan sa operasyon sa POGO hub sa Tarlac.
Nag-atubang usab siya og tax evasion case nga mokabat sa kapin usa ka bilyong piso tungod sa giingong kakulang sa hustong pagbayad sa buhis.
Photo Courtesy: Philippine News Agency
